‘ïna nchkatei’ kalyotei’
‘ÏNA LKA CEDELIO
CEDELIO lkana ska no’ö, s’ë ndya-nane’, nyo’ö ku’neina, na ‘atsatei nchga cha’ wati, nu nckuine’ Londa’a. No’öre mdyate’ïna, s’ya nguani’ö, ngunyö ska ta ntë wati ‘ïna, s’ya juïne’, na ‘neicha’ chkua ska no’ö, s’ë kas’öne’, ni’ö nu tayane’ na cha’ nu mshnu ntë kula ‘ïna ‘a tsateina.
TNYÖ NU NCHKATEÏ’NA KU’NEÏNA
No’öre nchkateï‘na, ku’neina nchga lo tnyö, nu ni’ö kas’öna, chkui’na, kö’na, lo ni’ö ku’neina na nchga cha’ wati nu te nchkui’-ne’ Londa’a, tayana ‘ï nu shue nu ns’ui shkula, na ‘alyatei na lka ska ntë wati.
TNYÖ NU ‘NEINA
“No’ö ‘ï nchga cha’ wati”. Lkana ska no’ö shkula nu ngyi‘nei tnyö cha’ ni’ö tayana ‘ï nchga ntë na ‘atkui ni’ö-t’i ‘ï nchga cha’ wati nu nchkui’ ntë Londa’a, lo kui’ nguani’ö ndyanana ni’ö-nu ska cha’ wati chkui’-ne’ ‘ïna tsa ska s’ë.
NANU NYÖTEÏ’NA NDYILOLA.
Nanu nyöteï’ ndyilola “No’ö ‘ï nchga cha’ wati” na nchga cha’ wati, nu te nchkui’-ne’ Londa’a, na ‘aka jyi’otei-ne’, ndukuitei’-ne’ chkui’-ne’ ‘ïna, na ‘atkui kat’eitei’ chkuina ska cha’ nu mshnu ntë kula ‘ïna.